Планираните засилувања на Вардар од Шведска очигледно нема да пристигнат ниту следното лето со оглед на тоа што младите Швеѓани Ерик Јохансон и Ерик Персон во моментов не сакаат да го напуштат тимот на Гуиф.
Тие веќе кажаа не за Вардар, а помладиот од нив, му откажа и на Кил што го потврдува и тренерот на Гуиф, поранешниот играч на „црвено-црните“, Црногорецот Зоран Рогановиќ.
„Кога летово го повика Кил, Јохансен се заблагодари и рече дека уште не е подготвен и дека сака да остане за да напредува со мене. Порача дека му треба уште време, дена не е целосно подготвен и дека мисли дека ќе му биде од корист уште една сезона во Гуиф. Сега истото го кажа и Персон што многу ми годи и тоа е доказ дека работиме добро“, вели Рогановиќ.
За Јохансон и Персон информацијата се појави пред неколку дена, кога клубот објави за интересот од Вардар, но брзо имаше и вест дека нема да дојде до трансфер. Со изјавата тренерот Рогановиќ само потврдува дека интерес постои и од други тимови, но дека засега играчите нема да го напуштаат клубот.
ПОВРЗАНИ ВЕСТИ
