Шведска не дозволи капитулација, извади реми против Чешка

Репрезентацијата на Шведска одигра само нерешено против Чешка со 27:27, а со освоениот бод Швеѓаните патуваат во главната фаза на Европското првенство, додека Чешка се враќа дома.

Во првото полувреме имаше надигрување и постојана промена на резултатот. Ниту една од двете репрезентации не успеа да се одлепи на поголема разлика од два гола во првите 30 минути. Швеѓаните кон крајот на првата половина од првиот дел, па сѐ до 20. минута одржуваа позитива, која беше изразена со два гола, водеа со 7:5, 8:6 и 9:7.

Чешка преку Пацел и Пирох израмни на 9:9 и резултатски беше во игра до крајот на првото полувреме, кое заврши со минимална предност за репрезентацијата на Шведска со резултат 12:11.

Во второто полувреме се влезе во изедначена борба и бркотница низ теренот. Шведска успеа да искористи дел од грешките на Чешка и на дваесетина минути пред крајот обезбеди плус три, 19:16.

Иако, избраниците на Глен Солберг во последниот дел влегоа со предност од 23:19, сепак, Чесите со серија од 3:0 се вратија во игра и изедначија на 23:23.

Драмата се одвиваше до последната секунда. Шведска секогаш на тежок начин успеваше да дојде до гол предност. Во последната минута, ракометарите на Шведска имаа 27:26, а на триесетина секунда пред крајот Чешка преку Бабак израмни на 27:27.

Во останаите петнаесетина секунди последниот напад од страна на Шведска не беше реализиран. Чешка имаше голема шанса да дојде до триумф, но во последниот напад, Франц ја испушти топката. Тоа значеше крај на натпреварот и голема радост во редовите на шведската репрезентација.

ЧЕШКАШВЕДСКА 17 јануари 2022 27 - 27 Крај

Детали

Датум	Време	Лига	Сезона	Match Day	Крај
17 јануари 2022	22:15	EURO22 E	2021/2022	17.01.2022	60'

Место

„ОНДРЕЈ НЕПЕЛА“ БРАТИСЛАВА

Резултати

Екипа	1-во полувреме	2-ро полувреме	Резултат
ЧЕШКА	11	27	Реми
ШВЕДСКА	12	27	Реми

ЧЕШКА

#	Играч	Позиција	Исклучување	Голови
1	Томаш Мрква	голман	0	0
2	Јакуб Хрстка	лево крило	0	4
3	Роман Бечвар	централен бек	0	0
5	Мирослав Јурка	десно крило	0	0
7	Томаш Пирох	десен бек	0	5
17	Станислав Кашпарек	десен бек	1	2
18	Вит Рајхл	пивот	0	4
19	Томаш Бабак	централен бек	0	5
21	Томаш Чип	десно крило	0	1
23	Леош Петровски	пивот	0	1
26	Марек Ванчо	лево крило	0	0
31	Матеј Клима	лев бек	0	3
32	Војтех Пацел	лев бек	0	2
34	Доминик Солак	лев бек	1	0
71	Шимон Мизера	голман	0	0
96	Вацлав Франц	пивот	2	0
	Вкупно		4	27

ШВЕДСКА

#	Играч	Позиција	Исклучување	Голови
1	Петер Јоханесон	голман	0	0
2	Јонатан Карлсбогард	лев бек	0	2
4	Емил Мелгард	лево крило	0	1
6	Феликс Мелер	пивот	0	0
10	Никлас Екберг	десно крило	0	3
12	Андреас Паличка	голман	0	0
15	Хампус Ване	лево крило	1	5
18	Фредрик Петерсон	пивот	0	0
19	Феликс Клар	централен бек	0	4
23	Албин Лагергрен	десен бек	0	2
24	Џим Готфридсон	централен бек	0	3
32	Оскар Бергендал	пивот	1	2
33	Лукас Сандел	десен бек	0	5
42	Ерик Јохансон	лев бек	1	0
49	Карл Валиниус	лев бек	0	0
62	Валтер Хринц	десно крило	0	0
	Вкупно		3	27

ЕП 2022, ГРУПА Е – ТАБЕЛА