Шампионски танц на Вардар против Алборг – Борко Ристовски и Оливие Њокас за голем триумф

Екипата на Вардар имаше уште една шампионска вечер во СЦ „Јане Сандански“ и го совлада актуелниот вицешампион во Лигата на шампионите со 30:28 предводена од Борко Ристовски и Оливие Њокас.

Гостите го добија отворањето на денешниот дуел и многу брзо создадоа предност. За само десет минути игра имаа 8:4 што најавуваше дуел на кој лесно ќе можат до бодови.

Овие четири гола негатива ги разбудија „црвено-црните“, откако и Вујовиќ побара тајм-аут, па потоа се влезе во многу подобар период. Полека се топеше негативата и се одеше кон подобар тек на настаните во кои постепено се фаќаше приклучок.

При 10:13 во 21. минута следуваа три минути со три гола за 13:13 и за убаво продолжение од овој дуел во кој до крајот на првиот дел Вардар успеа и да дојде до предност. Сепак, на одмор беше 16:16.

Второто полувреме донесе супер продолжение за Вардар. Браќата Њокас се разиграа и го полнеа голот на Алборг. Нивните шутеви овозможуваа Вардар многу лесно да реализира. И денеска биеше без грешка како и против Мешков Брест. На нивната одлична игра во нападот се надоврза и одличниот Ристовски на голот кој бранеше тешки удари, а ги откажа и изведувачите на удари од седум метри.

Вардар постојано беше на два до три гола предност и ја контролираше оваа разлика. Лесно можеше да се дојде до плус четири и порано, но тоа беше обезбедено во 54. минута, кога Оливие Њокас донесе 28:24.

Тука се влезе во многу лоша завршница. Се играше и 7 на 6, но лошо се комбинираше, па лесно се губеа топки. Покрај тоа тимот на Алборг знаеше како да казни и за само две минути стигна на гол негатива. На 29:28, Ристовски одбрани зицер, а потоа Оливие Њокас се извади за грешката претходно. На 30:28 украде и топка, но не реализираше.

Сепак, до крајот немаше време за многу голови, па бодовите останаа во Скопје, а вицешампионот од лани доживеа прв пораз во ЛШ после минатосезонското финале.

ВАРДАР 1961АЛБОРГ 29 септември 2021 30 - 28 Крај

Детали

Датум	Време	Лига	Сезона	Match Day	Крај
29 септември 2021	20:23	ЛИГА НА ШАМПИОНИ А	2021/2022	29.09.2021	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	16	30	Победа
АЛБОРГ	16	28	Пораз

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	0	2
6	Оливие Њокас	лев бек	0	7
7	Патрик Валчак	пивот	0	2
8	Јоел Куни Моралес	десен бек	0	2
9	Гоце Георгиевски	десно крило	0	1
10	Кевин Њокас	десен бек	2	3
12	Мартин Томовски	голман	0	0
13	Дијало Бакари	лев бек	0	0
14	Јан Чувара	лево крило	0	1
22	Жереми Тото	пивот	1	5
24	Анте Гаџа	централен бек	0	0
28	Филип Талески	лев бек	0	1
31	Тимур Дибиров	лево крило	0	6
45	Дарко Ѓукиќ	десно крило	0	0
97	Марко Мишевски	лев бек	0	0
	Вкупно		3	30

АЛБОРГ

#	Играч	Позиција	Исклучување	Голови
1	Симон Гаде	голман	0	0
2	Бенјамин Јакобсен	пивот	0	1
3	Јонас Самуелсон	десно крило	0	0
6	Себастијан Бартолд	лево крило	0	2
7	Феликс Клар	централен бек	0	5
8	Јеспер Нилсен	пивот	0	1
11	Лукас Сандел	десен бек	0	5
12	Никлас Лудвигсен	голман	0	0
13	Николај Кристенсен	централен бек	0	2
15	Aндреас Холст Јенсен	лев бек	0	0
17	Мартин Ларсен	десен бек	0	0
19	Кристијан Бјорнсен	десно крило	0	6
21	Хенрик Мелгард Јенсен	централен бек	1	3
22	Рене Антонсен	пивот	0	1
23	Бустер Јул-Ласен	лево крило	0	2
	Вкупно		1	28

Officials

Судии:
Душан Стојковиќ Ненад Николиќ

ЛИГА НА ШАМПИОНИ – ГРУПА А

ТАБЕЛА