Актуелниот шампион на Србија, Војводина, во првиот финален дуел против Партизан славеше на продолженија со 34:28, откако регуларниот дел заврши без победник 26:26.
Натпреварот, кој беше одигран во „Слана Бара“ во Нови Сад, остана во сенка на инцидентот, на кој реализатори беа играчите од двете екипи.
Имено, во 26-та минута од натпреварот при предност на домаќините од 12:6 настана голем хаос на теренот.
Екс ракометарот на Вардар и сегашен актуелен член на Партизан, Вук Лазовиќ, имаше груб старт врз членот на Војводина, Мохамед Аиди.
По стартот на Лазовиќ, играчите на двете екипи влегоа во физички конфликт, имаше турканици, по неколку боксови, шлаканици…
Судиите донесоа одлука Вук Лазовиќ да добие црвен картон, додека на неговиот колега Борис Радивојевиќ му доделија плав картон.
Opsta tuca na rukometnoj utakmici Vojvodina – Partizan pic.twitter.com/BXmw5kz3lZ
— Aleksandar Ilić (@aleks89ilic) May 21, 2023
Реваншот за шампионската титула во Србија ќе се одигра на 24 мај, со почеток од 18:00 часот.
ПОВРЗАНИ ВЕСТИ
