Во натпревар од 7. коло од Бундес лигата, составот на Фуксе Берлин предводен од двајцата поранешни ракометари на Вардар, Мијајло Марсениќ и Дејан Милосављев му го нанесе првиот пораз на Кил во годинешната сезона, откако на свој терен ги декласираше „зебрите“ со 34:26.
Расположените ракометари на Фуксе Берлин одиграа одлично во првите 30 минути и уште од воведниот дел кога се одлепија на 8:3, јасно беше дека избраниците на Филип Јиха ќе имаат тешка задача да фатат приклучок.
Фуксе Берлин на полувреме имаше активен резултат од плус шест гола разлика, 16:10, додека во вториот дел рутински ја одржуваше стекнатата предност од првиот дел и многу лесно дојде до поубедлива победа во натпреварот.
Предводник во победничката екипа беше Мијајло Марсениќ, кој одигра одличен натпревар и во мрежата на Кил постигна девет гола од десет обиди.
Покрај одличната игра во напад, Марсениќ одигра одлично и во одбраната и беше најзаслужен за убедливиот триумф. Вториот екс вардарец во Фуксе Берлин, голманот Дејан Милосављев имаше 13 интервенции. Во составот на Кил единствено расположен беше Патрин Винчек со седум гола.
ПОВРЗАНИ ВЕСТИ
