Трката за титулата допрва ќе се вжештува, шок за шампионот Вардар во Автокоманда (ФОТОГАЛЕРИЈА)

Новиот суперлигаш Алкалоид го направи најголемото изненадување досега во машката Супер лига победувајќи го Вардар со 22-21 (13-10) со што тимот од Автокоманда фаќа приклучок и во трката за титулата. Ракометарите на Вардар по бледото издание во првиот дел, собраа сили и направија камбек во второто полувреме, но избраниците на Кире Лазаров во клучните моменти беа повеќе пофокусирани, умешно ги користеа грешките на ривалот и се израдуваа на многу важен триумф.