Двете екипи на Еурофарм Пелистер одиграа контролен натпревар во кој вториот тим даде силен отпор на поискусните колеги кои не беа во комплетен состав на овој дуел, а победата беше за првиот тим со 28:26.
Според играта која беше прикажана се виде дека и помладите ракометари ќе имаат што да покажат во пролетниот дел од сезоната бидејќи ќе парираат на посилните. Тоа го потврдија во сите 60 минути. Имаа нерешени 13:13 после првото полувреме, а потоа во вториот дел првиот состав успеа да биде подобар за два гола и да дојде до триумф.
Со оглед на тоа што е краток периодот до почетокот на пролетниот дел од сезоната веќе е време и за темпирање на формата, а ова е добар знак.
ЕУРОФАРМ ПЕЛИСТЕР – ЕУРОФАРМ ПЕЛИСТЕР 2 28:26 (13:13)
Сала: „Боро Чурлевски“ во Битола. Судии: Методија и Михајло Илиевски од Битола.
ЕУРОФАРМ ПЕЛИСТЕР: Кизиќ 1, Ивановски, Обрадовиќ 5, Танковски 5, Табоада 1, Арсеновски 5, Божиќ Павлетиќ 3, Кукуловски, Павле Атанасијевиќ 1, Стоилевски 3, Кукоски, Марковски 4
Седмерци: 2/2, Исклучувања: 4 мин.
ЕУРОФАРМ ПЕЛИСТЕР 2: Трајкоски, Јовановски, Ристевски, Талевски 3, И. Димитровски, В. Димитровски 5, Димитриоски 6, Петровиќ 3, Петар Атанасијевиќ 3, Митревски 1, Ѓорговски 2, Ѓукиќ 1, Блажевски 2, Буторац, Петковски
Седмерци: /, Исклучувања: 6 мин.
ПОВРЗАНИ ВЕСТИ
