Селекторот на женската репрезентација на Србија, Урош Брегар го соопшти списокот на ракометарки за ЕХФ неделата.
Брегар повика 22 ракометарки на кои ќе смета за квалификациските мечеви за Европско првенство, а кои се на програмата од 27 Февруари до 6 Март.
На списокот ги нема поранешните ракометарки на Вардар, Андреа Лекиќ и Драгана Цвијиќ кои неодамна се пензионираа од репрезентацијата.
Сепак на списокот се една екс вардарка – пикерот Марија Петровиќ, како и двете поранешни членки на Металург – Јелена Трифуновиќ и Кристина Лишчевиќ.
Список на Србија:
Голмани: Јована Рисовиќ (Крим Меркатор, Словенија), Кристина Граовац (Баер Леверкузен, Германија), Катарина Косановиќ (Наиса)
Леви крила: Сања Радосављевиќ (Крим Меркатор, Словенија), Тамара Коциќ (Бекамент ББ), Александра Стамениќ (Кисварда, Унгарија)
Пивотмени: Марија Петровиќ (Бузау, Романија), Јелена Агбаба (Будаорс, Унгарија), Катарина Бојичиќ (Јагодина)
Десни крила: Наташа Ловриќ (ЖОРК Јагодина), Јована Богојевиќ (Кристијанштад, Шведска), Дуња Радевиќ (Металац),
Бекови: Јована Стоиљковиќ (Шамбери, Франција), Јована Ковачевиќ (Глорија Бистрита, Романија), Јелена Трифуновиќ (Влчеа, Романија), Тамара Радојевиќ (Кисварда, Унгарија), Кристина Лишчевиќ (Влчеа, Романија), Александра Вукајловиќ (Хукајловиќ, Ерд) , Јована Јововиќ (Будаорс, Унгарија), Јелена Лавко (Минаур Баја Маре, Романија), Анѓела Јањушевиќ (Шиофок, Унгарија) и Марија Агбаба (Вашаш, Унгарија).
Србија на 3 март од 18 часот во Зрењанин ја пречекува Шведска, додека два дена подоцна, на 5 март од 17 часот истите ривали ќе ги одмерат силите во Истад.
Србија во досегашниот тек на квалификациите за ЕП славеше против Турција со резултат 36:27, а потоа претрпе пораз од Исланд на гостински терен 23:21.
Веќе се познати четири учесници на ЕХФ ЕУРО 2022, домаќините Словенија, Македонија, Црна Гора, како и актуелниот европски шампион Норвешка, за преостанатите 12 места во натпреварувањето преку квалификации се борат 24 селекции. Настап на континенталниот шампионат ќе обезбедат двете најдобро пласирани селекции од шесте квалификациски групи.
ПОВРЗАНИ ВЕСТИ
