СП 2021 Група Е: Голема битка помеѓу три европски репрезентации и САД

Две групи од прелиминарната рунда на Светското првенство во Египет имаат по три европски репрезентации, една од нив е групата Е. Во групата се моќните Франција и Норвешка, а тука е и Австрија кој може да изненади. Една од најинтересните групи ја комплетира репрезетанцијата на Соединетите Американски Држави кои се враќаат на првенствата после 20 години.

Норвешка доминира во женскиот ракомет, но исто така и машката репрезентација направи огромен чекор напред со освојување на сребрениот медал на последните две светски првенства. Првиот натпревар од групата Е ќе биде реприза од финалето на Светското првенство во 2017 година кога Франција славеше 33:26 против Норвешка и го освои златниот медал. На тој Мундијал Норвешка имаше два порази и двата беа од „триколорите“, за разлика од финалето на мечот од групната фаза беше понеизвесно и Франција победи со 31:28.

Франција победи на последните пет дуели против Норвешка на светските првенства но Норвежаните се одмаздија за овие порази на ЕУРО 2020 кога во групната фаза триумфираа со 28:26. Со оглед на тоа што Франција не игра во најдобра форма, а им недостасува и првата ѕвезда Никола Карабатиќ заради повреда, Норвешка би можела да стигне до првата победа на Мундијалите против Французите уште од 1961 година.

Искуството и квалитетот на Франција и Норвешка се огромни, нивната историја е долга повеќе од 60 години на првенствата што ги прави фаворити во групата Е. Сепак треба да се обрне внимание на третата европска репрезентација во групата, а тоа е Австрија.

Австрија е мешавина од млади играчи кои во иднина треба да се докажуваат и квалитетни искусни ракометари на клучните позиции. Австрија на Светското првенство во 2019 година имаше многу слаб настап, заврши на 19. место со само една победа во групната фаза против Саудиска Арабија. Пред две години Австрија и Норвешка играа во групната фаза на Светското првенство, а Норвежаните победија со 34:24 предводени од Сандер Сагосен кој беше незапирлив со осум погодоци. Австрија и против Франција има негативен биланс, на девет натпревари има само една победа и осум порази вклучувајќи го последниот на ЕУРО 2020 од 26:33.

На трите европски репрезентации друштво во групата Е ќе им прави репрезентацијата на САД која се враќа на сцентата после пауза од 20 години. Бидејќи пандемијата на Ковид-19 спречи да се одржи квалификацискиот турнир, Советот на ИХФ одлучи САД да добијат место на турнирот во Египет. Соединетите држави досега немаат играно против Франција, а имаат порази од Норвешка 15:41 и Австрија 19:31. Сепак натпреварите против овие европски тимови за САД ќе бидат од големо значење и искуство што ќе им послужат како подготовка за настапот на Олимписките игри во 2028 година кога ќе бидат домаќини.

Од 1993 година кога го освоија првиот медал Французите постојано се во врвот на светскиот ракомет. На последното Светско првенство завршија на третата позиција, а досега имаат освоено шест златни медали од кои последен во 2017 година кога беа домаќини. На овој Мундијал обезбедија учество откако беше откажан бараж дуелот против Македонија. Клучни играчи на репрезентацијата на Франција се Мелвин Ричардсон, Дика Мем и Лудовик Фабрегас.

ФРАНЦИЈА

#	Играч	Позиција	Исклучување	Висина	Голови	Натпревари	Тежина
5	Недим Ремили	десен бек	1	195	13	7	94
16	Јан Генти	голман	0	185	0	4	89
17	Тимоти Н’Гесан	лев бек	0	196	9	2	110
18	Мишел Гигу	лево крило	0	180	11	7	78
19	Лук Абало	десно крило	0	183	10	7	83
22	Лука Карабатиќ	пивот	6	202	7	6	109
26	Николас Клер	централен бек	0	190	0	1	91
27	Жан Жак Аквиљо	лев бек	3	195	8	5	100
27	Адриен Дипанда	десен бек	1	202	1	7	105

Подемот на машкиот ракомет во Норвешка со право им дава надеж на Норвежаните да се надеваат на највисок пласман, дополнително што на последните две првенства се закитија со сребрен медал. Норвешка има 15 настапи на Мундијалите и сè уште чека златен медал. Клучни играчи во тимот се Сандер Сагосен, Харалд Рајнкинд, Кристијан Осаливен и Алекандер Блонц.

НОРВЕШКА

#	Играч	Позиција	Исклучување	Висина	Голови	Натпревари	Тежина
1	Робин Поулсен Хауг	голман	0	195	0	0	105
8	Бјарте Мирхол	пивот	0	192	9	6	93
9	Хенрик Јакобсен	пивот	2	196	1	4	100
16	Еспен Кристенсен	голман	0	190	0	0	90
17	Магнус Јондал	лево крило	0	187	15	6	83
18	Вилијам Ар	лев бек	0	198	0	2	90
23	Горан Согард Јоханесен	централен бек	2	192	21	6	92
25	Елвинд Тангенг	десен бек	1	195	0	4	93

Австрија ќе го има својот седми настап на Светските првенства на претстојното во Египет. Најдобар пласман Австријците забележаа на првото одржано кога учествуваа само четири репрезентации кога беа втори. На останатите Мундијали имаат само епизодна улога. Клучни играчи се голманот Томас Бауер, ветеранот Роберт Вебер кој игра на десно крило и Себастијан Фримел на лево крило. Во тимот на Алеш Пајовиќ нема да бидат повредените Никола Билик и Јанко Божовиќ, што ќе биде голем хендикеп.

АВСТРИЈА

#	Играч	Позиција	Исклучување	Висина	Голови	Натпревари	Тежина
1	Томас Бауер	голман	0	190	0	4	92
4	Максимилијан Херман	десен бек	6	195	6	7	100
6	Доминик Шмид	лев бек	1	192	5	5	90
16	Флоријан Кајпер	голман	0	187	1	4	83
19	Антонио Јуриќ	пивот	1	199	2	2	115
25	Никола Стевановиќ	десен бек	3	188	10	7	92
31	Јулијан Прачнер	лево крило	0	190	9	5	86
40	Томас Ајхбергер	голман	0	194	1	6	102
57	Балтазар Хубер	пивот	3	192	10	6	110
60	Јакоб Јохман	централен бек	0	178	9	6	85
94	Криштоф Нојхолд	лев бек	0	193	1	4	100

Учеството на САД на Мундијалот може да придонесе Американците да сфатат колку интересен спорт е ракометот. Досега САД има шест настапи на Светските првенства без некој забележителен успех и без ниту една победа. Клучни играчи во тимот се Ендрју Долин (пикер), Јан Хатер (среден бек), Домагој Сршен (пикер), Абубакар Фофана (лев бек) и Рене Инграм (голман).

САД

#	Играч	Позиција	Исклучување	Висина	Голови	Натпревари	Тежина
	Гери Хајнс	лев бек	0	180	0	0	84
5	Амар Амитовиќ	лев бек	0	196	0	0	97
8	Александре Бланко	централен бек	0	188	0	0	77
10	Тај Рид	десно крило	0	190	0	0	90
11	Абубакар Фофана	лев бек	0	198	0	0	96
12	Рене Инграм	голман	0	198	0	0	115
13	Бенјамин Бриф	десен бек	0	198	0	0	90
14	Јан Хутер	централен бек	0	196	0	0	91
17	Ендрју Донлин	пивот	0	202	0	0	111
18	Јонас Стромберг	десен бек	0	191	0	0	95
21	Пал Мерковски	голман	0	198	0	0	95
25	Адам Елзогби	десен бек	0	191	0	0	96
33	Самуел Ходерсен	лево крило	0	183	0	0	79
34	Домагој Сршен	пивот	0	202	0	0	110
44	Николај Вебер	десно крило	0	195	0	0	85
48	Максимилијан Биндерис	десно крило	0	184	0	0	75
49	Јакоб Кристијансен	десен бек	0	187	0	0	85
52	Патрик Хуетер	пивот	0	196	0	0	95
77	Пол Скорупа	пивот	0	193	0	0	94
99	Николас Робинсон	голман	0	193	0	0	87