Денеска се одиграа двата полуфинални натпревари на Светското младинско првенство за ракометарки до 20 години, кое се одржува во Словенија.
Во полуфиналните двојки, победници беа репрезентациите на Унгарија и Норвешка.
Актуелниот бранител на титулата од младинскиот мундијал пред четири години, Унгарија, беше подобра од Шведска со шест гола разлика, 25:33 (14:15).
Противник на Унгарија во финалето, кое ќе се одигра в недела, ќе биде репрезентацијата на Норвешка.
Ракометарките на Норвешка без многу проблеми обезбедија пласман во финалето, откако ја совладаа Холандија со девет гола разлика, 23:32 (14:14).
ПОВРЗАНИ ВЕСТИ
