Ракометарките на Спартак ја забележаа петтата победа во Женската лига откако на домашен терен во 14. коло изненадувачки ја совладаа екипата на Деспина со 27:25.
Екипата од Прилеп се наоѓа веднаш зад четворката на првенствената табела, но не успеа да се доближи на само еден бод зад Вардар. Спартак добро го започна мечот, а во почетните минути имаше предност од 4:1.
Иако во текот на првиот дел домашните постојано имаа предност, сепак, ракометарките на Спартак на полувреме заминаа со негатива. Деспина во завршните моменти од првото полувреме поведе и на одмор имаше гол позитива 14:13.
Второто полувреме беше многу неизвесно, Деспина на почетокот поведе со 17:14, но следуваше серија на домашниот тим и пресврт. Уште неколкупати екипите го менуваа водството за во финишот Спартак подобро да се снајде и да стигне до победата.
Предводник во побдата на Спартак беше Ана Марија Коларовска со девет гола, а шест постигна Ангела Гроздановска. За тимот на Деспина најефикасна беше Конеска Мери со десет погодоци.