Тимот на Сан Франциско од САД, ќе биде претставник од Северна Америка и Кариби на претстојниот Супер Глоуб во октомври.
На квалификацискиот турнир одржан во Порто Рико, учествуваа уште два домашни клуба – Касике Де Палмер и Гериљерос, како и мексиканскиот Кракенс.
Сан Франциско имаше три победи во групната фаза, а потоа во финалниот натпревар го победи домашниот Касике Де Палмер со 33-27.
На Супер Глоуб што ќе се игра од 17 до 23 октомври, покрај Сан Франциско, ќе играат уште 11 тима, а познати се шест.
Тука се бранителот на титулата, Магдебург, кој стана и европски првак, па местото од Европа го добива финалистот на Лигата на шампионите – Келце.
Африканскиот првак Ал Ахли и азискиот Ал Наџма, како и шампионот на Јужна и Централна Америка, Сан Фернандо, исто така обезбедија место на Супер Глоуб.
ПОВРЗАНИ ВЕСТИ
