Само Вардар на пауза, другите треба да одиграат уште 12 натпревари во Женската лига

Со 13 одиграно коло изминатиот викенд требаше да се комплетира есенскиот дел во Женската лига.

Сепак останува да се доиграат уште 12 натпревари за да се комплетира оваа полусезона. Тие беа одложени поради настапите на Куманово на европска сцена (два натпревари) и поради коронавирусот (десет натпревари).

Прилепска Деспина има уште четири натпревари за играње, додека битолски Пелистер уште шест.

Веќе дел од нив ги добија новите термини, а до средината на декември би требало да биде комплетиран есенскиот дел и екипите да почнат да ги прават плановите за пролетната полусезона, која би требало да стартува на почетокот на март.

Тимот на Куманово останува единствен непоразен досега, а единствен загубен бод е на гостувањето кај Вардар, додека токму „црвено-црните“ се втори на табелата со ист број бодови, но со два меча повеќе. Металург и Чаир досега собраа по 27 бодови и се наоѓаат на третото, односно четвртото место.