Репрезентативката на Македонија, Сара Ристовска, заедно со екипата на ЦСКА Москва обезбедија пласман во полуфиналето од рускиот шампионат.
ЦСКА Москва во четвртфиналето имаше ривал по мерка, играше против Ставропол и двата дуели ги доби убедливо.
Московската екипа на првиот дуел триумфираше со 39:30, додека на реваншот запиша победа, која беше изразена со шест гола разлика, 31:25.
Македонката на двата дуели против Ставропол постигна вкупно девет погодоци и беше една од најзаслужните за обезбедениот пласман меѓу најдобрите четири екипи во плеј-оф фазата.
Екипата на Ристовска за пласман во финалето ќе се бори против некогашниот ривал на Кометал ЃП, Лада Тољати.
Во второто полуфинале ќе играат екипите на Ростов Дон и Ѕвезда Звенигород.
ПОВРЗАНИ ВЕСТИ
