Амбициозната екипа на Чаир полека започнува да го комплетира ростерот за новата натпреварувачка сезона.
Ново име во тимот на Басри Љатифи е македонската репрезентативка, кружниот напаѓач Ивана Џатевска.
За 20-годишната ракометарка трансферот во Чаир ќе биде првата клупска промена во нејзината кариера.
Новата членка на Чаир потекнува од школата на Вардар и во „црвено-црниот“ тим ги мина сите младински категории.
Со нејзините одлини настапи си заработи место во сениорската репрезентација на Македонија и беше дел од составот кој играше на Европското првенство во Скопје.
Чаир претходно ја ангажираше Марија Галевска од Овче Поле СУ, Клеа Ајвази од Косово и повремената репрезентативка на Турција, Севдe Озкан.
Минатата сезона Чаир во Женската лига заврши на 3. позиција и повторно избори настап во Европа.
ПОВРЗАНИ ВЕСТИ
