Тимот на Порто останува единствена екипа во Лигата на шампионите што по шест кола нема триумф. За тоа се погрижија Раул Гонзалес и ПСЖ, кои славеа против клубт на Никола Митревски со 32-30. ПСЖ сега има 10 бода зад Веспрем, по шест кола, додека Порто е последен без бодови.
Во првото полувреме гостите парираа, одржуваа резултатска рамнотежа, дури и водеа во неколку наврати, но по дваесетина минути, ПСЖ почна да ја презема контролата. Поведоа домашните со 14-11, а Порто успеа да намали на минус еден, 16-15. Сепак за водство на ПСЖ од плус два се погрижи Балагер со голот од пенал за 17-15 на пауза.
Во вториот дел комплетнa доминација на ПСЖ. Уште на стартот избраниците на Раул обезбедија плус пет, 22-17, имаа и највисоки плус седум, 31-24, но се опуштија, па Порто во финишот успеа да намали на 31-28. Сепак немаше време за комплетен пресврт и победата остана за ПСЖ.
Никола Митревски бранеше на овој натпревар и успеа да запре пет удари, додека најдобар стрелец кај Порто беше Турин со шест гола. Кај ПСЖ, Елохим Пранди даде 11 гола, додека екс вардарецот Даинис Кристопанс постигна девет гола.
ПОВРЗАНИ ВЕСТИ
