Петмина ракометари се приклучија на тренинзите на француската репрезентација пред ЕП, па сега селекторот Гијом Жил има на располагање доволен број за да одржува тренинзи.
Голманот Реми Десбоне и десното крило Беноа Конку, се вратија на тренинзите на кампот во Кретеј.
Селекторот Жил повика дополнително уште тројца ракометари – левото крило Рафаел Кошете, средниот бек Николас Клер и левиот бек Матје Гребиј.
Првата ѕвезда на францускиот тим, Никола Карабатиќ, се уште е во изолација, но би требало да се приклучи на тренинзите на стартот на новата година.
Франција ќе игра пријателски натпревари против Египет на 7 јануари и против Норвешка во Шамбери.
На ЕП, Французите ќе се соочат со Србија, Хрватска и Украина во групата што се игра во Сегедин.
ПОВРЗАНИ ВЕСТИ
