Тимот на Прилеп денеска го промовираше новиот организатор на играта, Црногорецот Драган Јелушиќ.
Црногорскиот среден бек потпиша договор на две сезони и ќе го засили македонскиот суперлигаш во пресрет на новата сезона.
23-годишниот Јелушиќ е поранешен младински репрезентативец на Црна Гора, а во Прилеп доаѓа од Искра Бугојно.
Минатата сезона во тимот од Босна и Херцеговина постигна 65 погодоци, а претходно има играно за Борац Бања Лука, Рудар и Даниловград.
Прилепчани се многу блиску да го решат тренерското прашање со ангажманот на Божидар Мојсов, кој треба да биде промовиран наредните денови.
Претходно договорите ги продолжија Христи Бикоски, Иван Ангелески и Антонио Бурчески, а тимот го засилија Томче Трајчевски, Никола Цветаноски и Давид Ацевски.
Од Прилеп заминаа Давор Шокоски и Мириани Гавашелишвили.
ПОВРЗАНИ ВЕСТИ
