Екипата на Прилеп полека го комплетира ростерот за новата натпреварувачка сезона 2023/24.
Ново засилување во тимот на Мојсов е младиот и перспективен ракометар Давид Трајкоски, кој настапува на позицијата лево крило.
18-годишниот ракометар во Прилеп пристигнува од младинската школа на клубот, а претходно има настапувано и за РК Филип.
Прилеп претходно го промовираше новиот тренер Божидар Мојсов, десниот бек Пеце Рајатоски, средниот бек од Црна Гора – Драган Јелушиќ, голманот Давид Ацевски, пикерот Томче Трајчевски и левиот бек Никола Цветаноски.
Договорите со амбициозниот суперлигаш ги продолжија Антонио Бурчески, Иван Ангелески и Христи Бикоски.
ПОВРЗАНИ ВЕСТИ
