Тимот на Струга ја забележа првата победа во новата сезона од Суперлигата, откако во 10. коло славеше на домашен терен против составот на Работнички со 32-31.
Во првиот дел најчесто се играше израмнето, но по 11-11, Работнички даде три гола во серија за 11-14, а до паузата обезбеди и четири плус, 15-19.
Но домашните ракометари не мислеа да се откажат од борба до крајот. Беше 28-30, но Маркоски, Крстаноски и на два пати Цветан Кузманоски реализираа за 32-30.
Потоа Темелкоски намали на 32-31, но немаше време за гостите да направат нешто повеќе и мечот заврши со минимална победа за Струга.
Најдобри стрелци беа Кузманоски со девет и Крстаноски со осум погодоци, додека во гостинскиот тим стандардно се истакна Давор Палевски со 13 голови.
ПОВРЗАНИ ВЕСТИ
