Претстојниот викенд ракометарките на ЧСМ Букурешт треба(ше) да го одиграат натпреварот од Лигата на шампионите против францускиот Брест Бретањ.
Според пишувањата на романскиот „Про Спорт“, овој натпревар што е закажан за 18 септември во 16:00 часот, би можел да биде одложен за друг термин.
Поради штрајкот на француските аеродроми, многу летови се откажани, па нејасно е дали ракометарките од Романија ќе може да отпатуваат. Штрајкот почна денеска, а би требало да трае до утревечер.
Веќе се бараат алтернативни решенија, а за овој проблем известена е и ЕХФ, па веројатно натпреварот ќе добие друг термин, доколку не може да се најдат нови авио билети во последен момент.
ПОВРЗАНИ ВЕСТИ
