На полувремето од последниот натпревар од „Кроација Купот“ во Пореч меѓу Хрватска и Израел, беа објавени лауреатите на традиционалниот избор на Хрватскиот Сојуз и Спортске Новости.
Тоа е 29 избор по ред, а во гласањето учествуваат ракометните стручњаци и спортски новинари кои го следат ракометот.
За најдобар ракометар во 2022 година е прогласен Лука Циндриќ од Барселона, кој го освои четвртото вакво признание, второ по ред.
За најдобра ракометарка во 2022 е прогласена Ана Дебелиќ од Вајперс Кристијансанд, која исто така го добива ова признание втора година по ред.
За најдобар тренер е прогласен Ивица Обрван, кој го водеше Загреб, а своевремено беше селектор на Македонија, додека најдобра судиска двојка се Губица и Милошевиќ.
Специјално признание доби машка репрезентација во ракомет на плажа, која стана светски шампион.
ПОВРЗАНИ ВЕСТИ
