Екипите на Вардар и Еурофарм Пелистер денес ќе го имаат првиот меѓусебен дуел во суперлигашкиот плеј-оф сезонава.
За првото соочување против битолскиот тим, тренерот на Вардар, Владо Недановски ќе смета на сите ракометари, со исклучок на повредените Милан Лазаревски и Дарко Ѓукиќ, а надвор од комбинација останаа Васил Гогов и Андреј Добрковиќ.
Новиот предводник на Еурофарм Пелистер, Александар Јовиќ за дуелот со „црвено-црните” нема да го има на располагање Руди Сери поради повреда. Од комбинација отпаднаа Цветан Кузманоски и Себастијан Хенеберг.
Натпреварот меѓу Вардар и Еурофарм Пелистер ќе се одигра со почеток од 18:00 часот во СЦ „Јане Сандански”.
Вардар: Томовски, Ристовски, Манасков, Јагуриновски, Стоилов, Аларов, Моралес, Георгиевски, Карапалевски, Чувара, Талески, Дутра, Атанасовски, Маркоски, Ќосевски, Мишевски.
Еурофарм Пелистер: Кизиќ, Лесјак, Ојлески, Атанасијевиќ Петар, Пешевски, Костески, Радовиќ, Велковски, Хосни, Танкоски, Атанасијевиќ Павле, Давајес, Стевановиќ, Кисум, Василев, Суси.
ПОВРЗАНИ ВЕСТИ
