Вечерва од 19:00 часот во Битола ќе се одигра големото дерби на македонскиот ракомет меѓу Еурофарм Пелистер и Вардар.
Двајцата тренери, Жељко Бабиќ и Давид Дејвис, не можат да сметаат на најсилните составите за пресметката што ќе го реши шампионот.
Во ростерот на битолчани нема да бидат капитенот Јосип Периќ поради повреда, како и столбот на одбраната Милорад Кукоски. Одамна веќе надвор од ростерот е Мартин Велковски.
Кај Вардар надвор од игра се Полјаците Чувара и Валчак, плејмејкерот Гаџа, голманот Гогов, потоа десното крило Ќосевски, десниот бек Кевин Њокас…
Натпреварот меѓу Еурофарм Пелистер и Вардар почнува од 19:00 часот во „Боро Чурлевски“, која е комплетно распродадена.
Еурофарм Пелистер: Ивановски, Кизиќ, Секељ, Ојлески, Маџовски, Костески, Божиќ Павлетиќ, Граџан, Маркоски, Кукуловски, Мандалиниќ, Обрадовиќ, Танкоски, Табоада, Радовиќ, Мараш.
Вардар: Томовски, Ристовски, Стоилов, Тото, Петров, Дибиров, Георгиевски, Ѓукиќ, Диало, Талески, Мишевски, Карапалевски, Додиќ, Моралес, Савревски, Оливие Њокас.
ПОВРЗАНИ ВЕСТИ
