Традиционалниот Струшки турнир, најзначајното летно ракометно случување во Македонија, планирано е да се одржи од 12 до 16 август.
Доколку ситуацијата со коронавирусот не се влоши, на отвореното ракометно игралиште „Горан Попоски Бабец“ каде ќе се одржи 48-мото издание на турнирот, би требало да се појават осум македонски екипи.
Организаторот испрати покани до сите планирани учесници – Вардар, Металург, Еурофарм Пелистер, Охрид, Бутел Скопје, Пролет и Прилеп, а на овие седум екипи ќе им се придружи и организаторот Струга.
Екипите би биле поделени во две групи по четири, би одиграле секој со секого во четири дена, а на завршниот ден во недела би се одиграле натпреварите за пласман. Лани турнирот го освои грчкиот шампион АЕК Атина.
ПОВРЗАНИ ВЕСТИ
