Екипата на Јуниор Фасано, во која настапува поранешниот младински репрезентативец на Македонија, Дарио Петровски, запиша важна победа во италијанскиот шампионат.
Фасано во натпревар од претпоследното коло од регуларниот дел триумфираше против Кампус Италија со 12 гола разлика, 40:28, и со новата победа обезбеди настап во плеј-оф фазата
Битолчанецот беше меѓу најефикасните во својата екипа, постигна пет погодоци и подели неколку асистенции кон своите соиграчи.
Ривали на Фасано во плеј-офот ќе му бидат екипите на Бриксен, Сасари и Меран.
Тимот на Петровски во последното коло од регуларниот дел силите ќе ги одмери со екипата на Сасари.
ПОВРЗАНИ ВЕСТИ
