Охрид даде отпор, но Вардар го собра целиот плен!

Екипата на Вардар на гостувањето во Охрид против истоимената екипа оствари победа, со резултат 28:21, во натпревар од 6. коло во плеј-оф фазата во Супер машката лига. Вардар со освоените бодови од денешното гостување останува во игра за првата позиција на табелата, на која моментално се наоѓа Еурофарм Пелистер.

Ракометарите на Охрид на стартот на натпреварот влегоа многу мотивирано, одлично парираа против актуелниот македонски шампион во најголемиот дел од средбата и во воведниот дел беа во резултатска предност, најмногу со два гола разлика, 4:2. Избраниците на Давид Дејвис при резултатска негатива од 5:4, го израмнија резултатот на 5:5 и започнаа да воспоставуваат контрола на теренот.

Охрид не се предаваше и предводен од Николов и Кривокапиќ, сѐ уште имаше сили за надигрување против гостинскиот состав, кој по нерешениот резултат од 9:9, направи серија од 4:0 за највисоко водство од 9:13 во 25 минута. Предноста од четири гола беше сосема доволно за „црвено-црните“ да заминат на пауза со водство од 11:16.

Брауновиќ со неколку интервенции на стартот на второто полувреме му овозможи на своите соиграчи да се вратат во игра. Охрид намали на 16:18 и имаше неколку ситуации кои не ги искористи за минус еден. Шилегов со својот трет гол во 38 минута намали на минус еден гол разлика, 18:19, но за неколку минути игра гостите од Скопје постигнаа четири гола во низа за 18:22.

Победата за Вардар не беше загарантирана бидејќи домаќинот со голот на Кривокапиќ на речиси десет минути пред финишот дојде до 20:22. Охриѓани на двапати не успеаја да реализират за минус еден, па така Талески со гол од девет метри му донесе на својот тим водство од 20:23. Ракометарите на Вардар во последните осум минути ја одржуваше стекнатата предност и не дозволија да има никакво изненадување во СЦ „Билјанини Извори“.

Најефикасни во победничката екипа беа Куни Моралес со седум и Филип Талески со пет погодоци. Кај Охрид се истакнаа Филип Кривокапиќ со шест, односно Филип Николов со четири гола. Следен предизвик за Вардар ќе биде гостувањето во Битола кај Еурофарм Пелистер во дербито, додека Охрид ќе му гостува на Бутел Скопје.

ОХРИДВАРДАР 1961 29 април 2022 21 - 28 Крај

Детали

Датум	Време	Лига	Сезона	Match Day	Крај
29 април 2022	00:48	ПЛЕЈ ОФ СУПЕРЛИГА	2021/2022	27.04.2022	60'

Место

СРЦ „Билјанини извори“

Резултати

Екипа	1-во полувреме	2-ро полувреме	Резултат
ОХРИД	11	21	Пораз
ВАРДАР 1961	16	28	Победа

ОХРИД

#	Играч	Позиција	Исклучување	Голови
1	Јагош Брауновиќ	голман	0	0
4	Крсте Андоновски	лево крило	0	0
6	Филип Кривокапиќ	централен бек	0	6
8	Наум Костов	десно крило	0	0
10	Филип Николов	десен бек	0	4
11	Мице Шилегов	десно крило	1	3
13	Славчо Шулески	-	0	0
14	Михајло Младеновиќ	лев бек	1	2
19	Иван Тасески	пивот	0	3
21	Филип Грубор	-	1	3
24	Мартин Манасков	лев бек	0	0
34	Мартин Ивановски	централен бек	0	0
35	Николче Ристески	лево крило	0	0
55	Христијан Димитриески	пивот	0	0
	Вкупно		3	21

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	0	0
6	Оливие Њокас	лев бек	0	3
7	Патрик Валчак	пивот	0	0
8	Јоел Куни Моралес	десен бек	0	7
9	Гоце Георгиевски	десно крило	0	2
11	Мартин Карапалевски	централен бек	0	4
12	Мартин Томовски	голман	0	0
13	Дијало Бакари	лев бек	0	0
21	Давид Савревски	десен бек	0	0
28	Филип Талески	лев бек	0	5
44	Стефан Додиќ	централен бек	1	4
77	Ален Ќосевски	десно крило	0	3
92	Костадин Петров	пивот	0	0
97	Марко Мишевски	лев бек	0	0
	Вкупно		1	28

Officials

Судии:	Делегат:
КОЛЕВСКИ ЃОКО КРКАЧЕВ САШО	КАЛАНОСКИ СЛАВЧО