Ончев ја наполни мрежата на Јуниор КВ, Работнички со драматичен триумф остана во игра за опстанок

Ракометарите на Работнички остварија важна победа во битката за опстанок во суперлигашкото друштво. Избраниците на Стојан Петрушевски славеа над Јуниор КВ во интересен натпревар со 34-33.

По почетните 3-3, гостите први направија солидна предност од три гола, 3-6. Во продолжение избраниците на Ристо Магдинчев ја одржуваа разликата и не му дозволуваа на ривалот да се врати во игра. На пауза заминаа со водство од плус два, 17-19.

До средината на вториот дел Јуниор КВ беше тимот што доминираше на теренот и го контролираше резултатот. Имаше плус три, 21-24, но тогаш се разбудија домашните и со серија од пет голови, која ја предводеше Ончев, стигнаа до воство, 26-24.

Сепак Јуниор КВ се врати во игра, израмни на 26-26, а до 29-29 се играше гол за гол. Домашните се одлепија одново на плус три, 33-30, но гостите го направија возбудлив финишот. Во меѓувреме поради три исклучувања и црвен картон, Работнички остана без Виктор Крестевски, а гостите намалија на 33-32, но потоа промашија пенал.

Работнички згреши во два наврати при 34-32, но голманот Виларов одбрани два зицери. Пресингот на Јуниор му донесе шанса за гол, Пешкирски погоди за 34-33. Домашните пак погрешија и остана кратко време за реми на гостите, кои се сплеткаа и не упатија удар кон домашниот гол.

РАБОТНИЧКИЈУНИОР К.В. 20 мај 2021 34 - 33 Крај

Детали

Датум	Време	Лига	Сезона	Match Day	Крај
20 мај 2021	18:41	ПЛЕЈ АУТ СУПЕРЛИГА	2020/2021	20.05.2021	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
РАБОТНИЧКИ	17	34	Победа
ЈУНИОР К.В.	19	33	Пораз

РАБОТНИЧКИ

#	Играч	Позиција	Исклучување	Голови
4	Бојан Стојчевски	централен бек	0	0
5	Стефан Чакалиќ	лево крило	0	2
8	Давид Гашовски	пивот	0	1
9	Дамјан Јакимовски	десно крило	1	3
10	Давид Димески	лев бек	2	2
12	Јоаким Ангеловски	голман	0	0
13	Енес Идризи	лев бек	0	0
14	Христијан Чакалиќ	централен бек	0	0
19	Кристијан Анѓелковски	пивот	0	0
22	Лука Вујовиќ	пивот	2	3
23	Тoше Ончев	централен бек	2	14
28	Петар Виларов	голман	0	0
31	Виктор Крстевски	лево крило	3	1
33	Стефан Крстевски	централен бек	0	2
77	Ѓорѓи Дука	десен бек	0	6
99	Васил Гогов	голман	0	0
	Вкупно		10	34

ЈУНИОР К.В.

#	Играч	Позиција	Исклучување	Голови
1	Матеј Петковски	голман	0	0
2	Марио Гичев	централен бек	1	5
3	Андреј Крстевски	-	0	0
4	Марко Трајковски	пивот	2	2
5	Мартин Бошковски	пивот	0	0
6	Стефан Крстески	десно крило	2	2
7	Бојан Манев	централен бек	0	0
8	Кирил Пешкирски	лево крило	0	9
9	Дамјан Трајковски	централен бек	0	0
16	Адриан Костадиноски	голман	0	0
18	Игор Мршуља	Среден бек	1	9
23	Стефан Стојановски	лев бек	1	1
24	Кристијан Николовски	-	0	0
30	Стефан Јордановски	-	0	0
88	Томче Трајчевски	пивот	0	1
97	Жарко Барјактаревиќ	десен бек	1	4
	Вкупно		8	33

Officials

Судии:	Делегат:
ИЛИЕВСКИ МЕТОДИЈА ИЛИЕВСКИ МИХАЈЛО	НИКОЛОВСКИ АЦО