Ракометарките на Овче Поле СУ дојдоа до еден поен на гостувањето во Скопје кај Спартак после ремито од 27:27 иако на полувреме имаа предност од четири гола и водеа со 18:14.
Од почетокот на средбата и двете екипи имаа свои моменти. Имаше надигрување во кое постојано беше неизвесно и ниту еден од тимовите не можеше да направи предност и да дојде до позитива со која ќе има мирно продолжение на натпреварот.
Сепак, при 12:11 за домашните дојде кризен период во играта на тимот на Спартак. Дури 11 минути мируваше мрежата на гостинките, а за тоа време беше преземана целосна контрола на резултатот. Тимот на Овче Поле поведе со 17:12 и имаше игра со која одеше кон победа.
На полувреме беше 18:14 за гостинскиот состав, а потоа следуваше чување на предноста. Сепак, при 21:16 домашните вратија со серија од 4:0. Откако гостинките постигнаа гол, ракометарките на Спартак дојдоа до нови 4:0 и имаа 24:22. Се чинеше дека веќе сè е завршено на овој дуел бидејќи Спартак се врати во средбата, но тогаш ракометарките на Овче Поле одново почнаа да фаќаат приклучок и до крајот беше интересно.
Немаше победник, па двата состави мораа да се задоволат со бод.
СПАРТАК – ОВЧЕ ПОЛЕ СУ 27:27 (14:18)
Сала: „Круме Кепески“ во Скопје. Судии: Силвана Карбеска и Михаела Капсарева од Скопје. Делегат: Лери Мирчески од Скопје.
СПАРТАК: Димитровска, Иво. Кимовска 2, Андовска 5, Божиновска 2, Петковска, Ема Бочваровска, Радевска 4, Соколовска, Т. Самарџиоска, Гроздановска 9, Ива Кимовска, Ели Бочваровска, Кузмановска 2, С. Самарџиоска
Седмерци: 5/5, Исклучувања: 2 мин.
ОВЧЕ ПОЛЕ СУ: Младеновска Кузмановска, Стоилевска, Павлова, Е. Вучевска 7, Сентовска 6, Манева 3, Коева 4, Максимова, Велковска, Стојанова, Павловска 3, Гигова 3, М. Вучевска, Стоилова 1
Седмерци: 4/4, Исклучувања: 10 мин.
СУПЕР ЖЕНСКА ЛИГА, ПЛЕЈ-АУТ – ТАБЕЛА
ПОВРЗАНИ ВЕСТИ
