Ни осум разлика не им беше доволна на Белорусите, на крај се спасија од пораз

Селекциите на Шведска и Белорусија одиграа нерешено, 26:26, во последниот натпревар од денешната програма во Групата 4. Белорусите испуштија предност од дури осум гола, а во последните секунди спасуваа реми и успеаја да дојдат до значаен бод.

Од почетокот на средбата се виде многу големо расположение на теренот кај ракометарите на Белорусија кои играа фантастично. Ги затворија приодите кон својот гол и лесно реализираа, па почнаа брзо да ја зголемуваат разликата.

Имаа 5:1 во отворањето на средбата, а овие четири погодоци разлика овозможија натпреварот да продолжи во одличен ритам и да може да се диктира темпото на овој дуел.

Швеѓаните не можеа никако да се „состават“ и да заличат на селекцијата која во првиот круг доминираше во Групата Г. Најголемата негатива за Шведска беше осум гола во 23. минута. Тогаш резултатот беше 5:13, па мораше да се консолидираат редовите.

До крајот на првото полувреме Швеѓаните се вратија во потребниот ритам и намалија, па на одмор заминаа со 11:15.

Во вториот дел од натпреварот Белорусите беа далеку од играта која ја прикажаа во првите 20 минути од средбата. Попуштија и дозволија Шведска постојано да се доближува. Сепак, на Швеѓаните им требаше време за да стигнат до предност и успеаја да поведат дури во 50 минута од натпреварот кога имаа 22:21.

Од тој момент се тргна во игра гол за гол, при што Белорусите израмнуваа. До крајот на средбата одеше во ист стил, а Јуринок на 2-3 секунди до крајот го постави конечниот резултат од 26:26. Иако водеа осум разлика, сепак, мораше да се радуваат на бод бидејќи тие реализираа за реми на овој дуел, па најавија многу возбудувања во оваа група до крајот кога е во прашање битката за пласман во четврт-финалето.

ШВЕДСКАБЕЛОРУСИЈА 20 јануари 2021 26 - 26 Крај

Детали

Датум	Време	Лига	Сезона	Match Day	Крај
20 јануари 2021	22:03	СВЕТСКО ПРВЕНСТВО	2020/2021	20,01,2021	60'

Резултати

Екипа	1-во полувреме	2-ро полувреме	Резултат
ШВЕДСКА	11	26	Реми
БЕЛОРУСИЈА	15	26	Реми

ШВЕДСКА

#	Играч	Позиција	Исклучување	Голови
2	Јонатан Карлсбогард	лев бек	0	2
5	Макс Дарј	пивот	1	0
8	Алфред Јонсон	лев бек	0	6
11	Даниел Петерсон	десно крило	0	3
12	Андреас Паличка	голман	0	0
15	Хампус Ване	лево крило	0	7
16	Микаел Агефорс	голман	0	0
18	Фредрик Петерсон	пивот	1	0
19	Феликс Клар	централен бек	1	3
22	Лукас Пелас	лево крило	0	0
24	Џим Готфридсон	централен бек	0	1
26	Линус Персон	десен бек	0	0
33	Лукас Сандел	десен бек	0	4
62	Валтер Хринц	десно крило	0	0
66	Антон Линдског	пивот	0	0
28	Јонатан Едвардсон	централен бек	0	0
	Вкупно		3	26

БЕЛОРУСИЈА

#	Играч	Позиција	Исклучување	Голови
3	Владислав Кулеш	лев бек	2	2
7	Арцјом Кулак	централен бек	0	1
9	Алех Астрашапкин	десен бек	0	3
17	Владислав Кривенка	лево крило	0	0
20	Алексеј Кишу	голман	0	0
23	Андреј Јуринок	лево крило	0	6
33	Иван Мароз	голман	0	0
42	Алексеј Ушал	пивот	1	0
43	Арцјом Селвасјук	пивот	0	0
47	Александар Падшивалав	централен бек	0	0
50	Арцем Каралек	пивот	1	5
55	Никита Вајлупов	десно крило	0	6
62	Кирил Самоила	лев бек	0	0
74	Вјачеслав Бокан	пивот	0	1
95	Вадим Гајдученко	централен бек	0	2
98	Никалај Алохин	десен бек	0	0
	Вкупно		4	26

Officials

Судии:
Џули Бонавентура -Франција Шарлот Бонавентура -Франција