Селекцијата на Русија за која во оваа ЕХФ недела нема ниту еден актуелен член на Вардар одигра само нерешено на првиот дуел против Украина. Средбата заврши со 27:27, а во последната минута лесно можеше победата да припадне на едниот или другиот состав.
Двете средби меѓу Русија и Украина се играат на неутрален терен во Минск поради актуелната политичка ситуација која владее меѓу двете земји. Русите се предводени од страна на искусниот стратег Велимир Петковиќ, но и тој не помогна многу денеска.
Натпреварот беше постојано израмнет, а и двете селекции на моменти успеваа да наметнат своја игра и да дојдат до предност, која не им даваше гаранција за мирно продолжение на средбата.
Таквиот ритам донесе возбудлива завршница во која се влезе со нерешен резултат. И двете селекции има можност за напад, но не искористија, па ги поделија бодовите.
Жуков со седум и Онуфриенко со шест гола беа најефикасни во редовите на Украина, додека во Русија, седум погодоци имаше Фокин, а шест Павел Атман, кој го постигна последниот гол за Русите.
Вториот дуел се игра исто така во Минск и тоа в сабота.
