Тимот на Ротвајс Тун, каде што настапува македонската интернационалка Викторија Мурговска, обезбеди место во осминафиналето на Купот на Швајцарија.
Ротвајс Тун беше убедлив на гостувањето кај Арбон и славеше со 35-11, a победникот беше решен уште по првиот дел кога Тун водеше со 15-7.
Македонската интернационалка беше меѓу најдобрите стрелци и даде три гола од четири обии, а имаше и две исклучувања.
Тун претходно беше елиминиран од Купот на ЕХФ, а во првенството се наоѓа на четвртото место по три одиграни кола.
