Тимот на Мотор Запорожје покрај тоа што игра во Втората Бундес лига, партиципираше и во украинскиот шампионат, кој се играше турнирски.
Без поголеми проблеми избраниците на Гинтарас Савукинас го освоија првото место во конкуренција на Одеса и Донбас, кои беа второ и трето место.
Ова беше 11 титула во првенството на Украина за Мотор Запорожје, кој исто така освои трофеј во Купот, вкупно деветти, откако ја совлада Одеса со 40-27.
По завршувањето на шампионатот, украинската федерација ги избра и најдобрите седум, а во идеалниот тим се најде и едно познато име за македонската јавност.
Некогашниот голман на Бутел Скопје, Богдан Панченко, кој сега ги брани боите на ЦСКА Kиев, беше прогласен за најдобар чувар на мрежата оваа сезона.
ПОВРЗАНИ ВЕСТИ
