Екипата на Металург РА сосема очекувано славеше над Текстилец во мечот од 5. коло од Групата Б во Првата машка лига и тоа со високи 35:19.
Уште во текот на првото полувреме работите си дојдоа на свое место. Металург успеа да направи предност од шест гола и да има 15:9 на паузата. Овие шест гола беа само поттик за уште посилно продолжение.
Момците на Игор Котевски знаеја во вториот дел од средбата какода одиграат уште посилно. Тргнаа со сите сили кон високтриумф и го добија второто полувреме со 20:10 така што на крајот имаа убедлива победа.
Со новата висока победа плеј-офот е веќе обезбеден така што сега останува само да се одработат последните две кола од овој дел од сезоната и да почне подготовката за пролетниотдел.
Како што се движеше сезоната во досегашниот дел јасно е дека главниот дуел ќе биде против Скопје 2020 следниот викенд кога ќе биде одлучено првото место.
МЕТАЛУРГ РА – ТЕКСТИЛЕЦ 35:19 (15:9)
Сала: СОУ „Перо Наков“ во Куманово. Судии: Илија Давидовски и Бобан Стојановски од Скопје. Делегат: Зоран Јовановски од Штип.
МЕТАЛУРГ РА: Ацевски, Брестовац, Димевски 8, Фидановски, Вељановски,Тричковски 1, Христоски 4, Трајкоски 2, Мелоски 1, Николов 5, Андревски, Ристовски 3, Георгиевски, Прцуловски 4, Петровски 6, Додиќ 1.
Седмерци: 6/6, Исклучувања: 8 мин.
ТЕКСТИЛЕЦ: Атанасов, Миланов, Петров 1, Јовановски 2, Трајчев 2, Јованов 1, Јахјајов 3, Ристов 4, Лазаров 1, Митрев 3, Трајков 2.
Седмерци: 1/2, Исклучувања: 12 мин.
