Репрезентацијата на Македонија имаше одлично прво полувреме во одбрана, а доколку нападот беше на истото ниво можеше веќе за 30 минути сè да биде решено против Украина и на одмор резултат да биде со двоцифрена позитива. Вака Македонија има 13:10 со што ќе има мирна пауза пред продолжението на средбата.
Почетокот на средбата најави ефикасна средба. Наизменично доаѓаа голови на двете страни, па за неполни пет минути резултатот беше 3:2 за Македонија. Сепак, тука дојде до одбрани на Митревски и Комок и мала стабилизација на резултат. Пет минути се чекаше за нов погодок, но водството на Македонија остана.
Македонија тргна со 5-1 одбрана, но брзо потоа Брестовац смени во 6-0 и тоа даваше резултат. Веќе во 14. минута резултатот беше 6:3 и тоа беше највисоката предност од стартот на средбата.
Продолжението донесе уште посигурна игра, а таквиот ритам после 20 минути игра донесе и предност за Македонија од 10:6. Овие четири гола позитива значеа и најава за сигурна завршница на првото полувреме. Митревски бранеше одлично и запре неколку зицери, а тоа даваше сигурност во одбраната. Сепак, во нападот не одеше најдобро, а воедно и Комок бранеше добро така што разликата брзо беше намалена.
Немаше многу голови поради лошата реализација, но во 25. минута резултатот беше 10:9. Меѓутоа, мало зголемување на концентрацијата придонесе за брзо зголемување на плус три и во 26. минута беше 12:9 откако Пешевски и Талески реализираа. До крајот предноста од три гола беше зачувана, а на одмор се замина со 13:10.
[soliloquy id=”120531″]
На крајот од првото полувреме најефикасен е Кирил Лазаров со четири гола. По двапати прецизни беа Георгиевски, Манасков и Талески, додека по еднаш погодуваа Пешевски, Стоилов и Танкоски. Митревски бранеше одлично и првиот дел го заврши со девет интервенции.
ПОВРЗАНИ ВЕСТИ
