Левиот бек на Бутел Скопје, Христијан Милошески, го продолжи договорот со тимот за уште две сезони.
Иако прилепчанецот има актуелен договор и за оваа сезона, сепак раководството на Бутел реши да му понуди нова соработка.
Милошески има 21 година, потекнува од составот на Филип Прилеп, беше дел и од вториот тим на Вардар, а го носеше дресот и на Работнички.
Беше еден од подобрите стрелци во Бутел Скопје во незавршената сезона, а се очекува истата улога да ја има и во новата.
