Металург ја почна неделата со штрајк, ја заврши со победа кај Пролет

Ракометарите на Металург забележаа голема победа на гостувањето кај Пролет со 31:29 после големо надигрување и 60 минути резултатска тензија што е резултат од кој покрај „металурзите“ ќе биде примен со радост и кај уште неколку други екипи.

На сите проблеми во последните денови при што ракометарите неколку дена и не тренираа, Марковски не можеше да смета денеска покрај на Бобан Каковски и на Португалецот Рибеиро, па натпреварот мораше да се одигра и без лево крило. На оваа позиција настапуваа главно пивотите кои се менува, а таа игра со два пивоти даваше резултат.

Од почетокот на средбата Металург тргна добро и имаше контрола на резултатот. Практично немаше измена бидејќи истите шест кои беа во напад беа и во одбрана, а само Митиќ и Лазаревски се менуваа на лево крило. Тоа беше дополнителен притисок бидејќи не можеше да се има доволна свежина, но на почетокот Металург брзо дојде до 4:2, а потоа и до 7:3. Овие плус четири гола разлика дадоа поттик за во продолжение, но следуваа две исклучувања во брзо време кога Лазаревски и Озтурк мораа на клупа за само 13 секунди разлика во времето и ова беше искористено од домашните.

Пролет лесно реализираше со играч или два повеќе, но тешко се снаоѓаше при игра 6 на 6. Во таква комбинација Металург излегуваше како победник и после 10:10 успеа одново да направи предност од три гола и на одмор да замине со 16:13.

Вториот дел продолжи со мирна игра. Гостите мораше да ги штедат силите бидејќи немаа измени. Имаа само 12 играчи од кои двајца беа голмани кои не добиваа шанса, исто како и младиот Субашевски, додека Рибеиро не беше во можност да настапи и само беше на клупата. Оттаму во второто полувреме беше одиграно со една постава и мораше да се одработи најдобро што може.

Разликата се движеше од еден до три гола, но како се ближеше крајот така стануваше сè поинтересно. Пролет стигна до 26:27 на пет минути до крај, но тогаш следуваше грешка и Петковски беше сигурен во контра и го совлада голманот на домашните кој го носи истото презиме.

На нешто повеќе од две минути Металург остана без Лазаревски кој мораше на трибини поради трето исклучување. Домашните намалија на 28:29 со удар од седум метри. Сепак, 40 секунди подоцна силите беа израмнети откако Џонов стартуваше грубо над Хорват. Озтурк погоди за 30:28, а Пецаковски намали на гол. Сепак, на девет секунди до крајот Металург доби пенал, кој репрезентативецот на Турција го искористи за победа на Металург и големи три бода на гостувањето во „Македонско сонце“.

ПРОЛЕТМЕТАЛУРГ 27 ноември 2021 29 - 31 Крај

Детали

Датум	Време	Лига	Сезона	Match Day	Крај
27 ноември 2021	19:31	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	27.11.2021	60'

Место

УС „Македонско Сонце“

Резултати

Екипа	1-во полувреме	2-ро полувреме	Резултат
ПРОЛЕТ	13	29	Пораз
МЕТАЛУРГ	16	31	Победа

ПРОЛЕТ

#	Играч	Позиција	Исклучување	Голови
4	Михаил Аларов	пивот	0	4
5	Михаил Тотиќ	-	0	0
7	Бојан Манев	централен бек	0	0
8	Дејан Пецаковски	лев бек	0	7
11	Виктор Додевски	десно крило	0	6
15	Ласко Андоновски	централен бек	0	3
16	Андреј Петковски	голман	0	0
18	Иван Џонов	лев бек	3	1
19	Доне Мајнов	десен бек	0	0
20	Томислав Димковски	-	0	0
21	Филип Крстевски	-	0	0
22	Андреј Стојановски	-	0	0
23	Ѓорѓе Голубовиќ	десен бек	0	6
33	Јане Цветковски	голман	0	0
71	Давор Палевски	лево крило	0	0
99	Жарко Пејовиќ	централен бек	0	2
	Вкупно		3	29

МЕТАЛУРГ

#	Играч	Позиција	Исклучување	Голови
3	Костадин Петров	пивот	0	3
4	Александар Петковски	десен бек	0	5
7	Дамјан Субашевски	-	0	0
10	Даниел Дупјачанец	голман	0	0
12	Давид Брестовац	голман	0	0
13	Златко Хорват	десно крило	0	12
15	Улисес Рибеиро	лево крило	0	0
19	Милан Лазаревски	пивот	3	2
24	Халил Озтурк	лев бек	1	7
28	Андреј Митиќ	пивот	1	1
51	Димитар Бардакоски	голман	0	0
64	Велко Маркоски	лев бек	1	1
	Вкупно		6	31

Officials

Судии:	Делегат:
МИТРЕВСКИ ДИМИТАР ТОДОРОВСКИ БЛАГОЈЧЕ	НАУМОВСКИ РУСЕ

СУПЕР МАШКА ЛИГА – ТАБЕЛА