Металург ја затвори евро-сезоната со реми, а можеше да биде… (ФОТОГАЛЕРИЈА)

Металург и Фиверс ремизираа во натпревар од Лигата на Европа со 33:33 и на тој начин дојдоа до по еден важен поен од последниот дуел за оваа година во натпреварувањето. И двете екипи имаа по едно полувреме кое го добија со по три гола разлика. На полувреме гостите имаа предност од 19:16, а потоа Металург надомести. Имаше пресврти после кои и двата состави можеа да дојдат до победа, но на крајот со бодот мораа да бидат задоволни и едниот и другиот тренер. Хорват и Серафимов со по седум гола во Металург и Дамбок со 11 погодоци во Фиверс беа најефикасните на оваа средба.