Македонија оваа сезона ќе има два претставника во Лигата на Европа. Металург и Еурофарм Пелистер денеска ги добија ривалите, а ако ги погледнеме сите групи, реалната констатација е дека можеа да поминат и полошо.
Металург ќе биде дел од групата А и натпреварите ќе ги започне со гостување кај незгодниот француски Тулуз, додека во првиот дуел на домашен терен ќе игра против Висла Плоцк, која до лани беше дел од ЛШ.
Еурофарм Пелистер ќе има шанса за одмазда во првото коло дома против унгарската Татабања, која победи во Битола пред две години во тогашниот ЕХФ Куп, додека во второто коло ќе гостува кај тимот на ГОГ Гудме од Данска.
Натпреварите стартуваат на 20 октомври и до крајот на годината ќе се одиграат шест кола, додека останатите четири ќе бидат во 2021 година. Сепак овој првичен распоред не е официјализиран од ЕХФ, и може да претрпи измени, што поради сложените патувања на екипите, што поради ТВ преносите…
Лига на Европа 2020/21, групна фаза:
Група А: Адемар Леон, Висла Плоцк, Чеховски Медведи, Тулуз, Фиверс, Металург
Група Б: Ним, Динамо Букурешт, Татран, Фуксе Берлин, Спортинг, Кристијанштад
Група Ц: Магдебург, Алингсас, Бешикташ, Монпелје, Нексе, ЦСКА Москва
Група Д: Татабања, Кадетен, Еурофарм Пелистер, Рајн Некар, ГОГ Гудме, Тримо
Распоред на натпревари:
20.10.2020, 1 коло, Тулуз – Металург, Еурофарм Пелистер – Татабања
27.10.2020, 2 коло, Металург – Висла Плоцк, ГОГ Гудме – Еурофарм Пелистер
17.11.2020, 3 коло, Адемар Леон – Металург, Еурофарм Пелистер – Кадетен
24.11.2020, 4 коло, Металург – Фиверс, Рајн Некар – Еурофарм Пелистер
01.12.2020, 5 коло, Металург – Чеховски Медведи, Тримо – Еурофарм Пелистер
08.12.2020, 6 коло, Чеховски Медведи – Металург, Еурофарм Пелистер – Тримо
09.02.2020, 7 коло, Металург – Тулуз, Татабања – Еурофарм Пелистер
16.02.2021, 8 коло, Висла Плоцк – Металург, Еурофарм Пелистер – ГОГ Гудме
23.02.2021, 9 коло, Фиверс – Металург, Еурофарм Пелистер – Рајн Некар
02.03.2021, 10 коло, Металург – Адемар Леон, Кадетен – Еурофарм Пелистер
Рајн Некар доаѓа во Битола, Металург против Адемар Леон и Висла Плоцк!
ПОВРЗАНИ ВЕСТИ
