Третиот дуел од осминафиналето во СЕХА-лигата меѓу Металопластика и Војводина заврши со победа на гостите. Ракометарите од Нови Сад славеа со 25:24 откако Јовица Николиќ постигна гол во последната секунда со што донесе победа и предност за реваншот.
Металопластика беше тимот кој отвори далеку подобро на овој дуел. Ракометарите на тимот од Шабац постојано ја зголемуваа предноста, а на средина од првото полувреме имаа 10:6. Највисоките плус шест ги обезбедија во 23. минута кога резултатот беше 14:8, но тука почна да паѓа ритамот и темпото на играта кај домашните.
Војводина полека го најде патот кон голот на Металопластика, а тоа почна да дава и резултат. На полувреме разликата веќе беше далеку подобра за гостите бидејќи Металопластика имаше само 14:12.
Веднаш на стартот на вториот дел беше обезбедано фаќање на приклучок со намалување на гол негатива, а израмнувањето дојде во 41. минута откако гостите постигнаа три гола во серија. Следуваше игра гол за гол, па во 47. минута Војводина успеа да поведе со 20:19.
Тоа беше враќање во водство за гостите кои на почетокот имаа 2:1 и 3:2. Сепак, не беа долго во позитива бидејќи Металопластика успеа да го сврти овој натпревар одново во своја полза, но не издржа до крај. Во последните секунди се влезе со нерешен резултат, а после тајм-аутот гостите успеаја да дојдат до гол за победа преку Јовица Николиќ.
Истиот беше и најефикасен со седум гола, додека четири гола постигна Немања Прибак. Во Металопластика седум погодоци имаше Милан Милиќ, додека шестпати реализираше Алекса Кљајиќ.
ПОВРЗАНИ ВЕСТИ
