Мате ја воскресна Унгарија во инфаркт- завршницата против Португалија

Репрезентацијата на Унгарија со голот на Доминик Мате во последната секунда ја прослави првата победа на Европското првенство откако беше подобра од Португалија во вториот натпревар од групната фаза на ЕП со 31:30.

Десеткуваната репрезентација на Португалија имаше одличен старт. Со три погодоци за три минути, водството на Португалците во воведниот дел беше 3:0. Унгарците конечно го скршија мразот по четири минути игра преку Доминик Мате и до крајот на првото полувреме беа подобар противник.

Лошиот старт веќе падна во заборав, па така погодоците на Унгарците започнаа да се редат. Унгарија по кризниот период направи серија од 3:0, израмни на 5:5 и имаше речиси целосна контрола до самиот крај на првото полувреме.

По водството на Унгарија од 14:13, Португалија направи серија од 2:0 и на полувреме замина со минимална предност од 15:14.

Во второто полувреме шанса на голот во унгарската репрезентација доби голманот од Еурофарм Пелистер, Мартон Секељ. Унгарците израмнија на 15:15, а потоа повторно дојдоа до водство од 16:15. Играта гол за гол, како и сама неизвесност продолжи до последната секунда.

На десет минути до крајот водството на Унгарија беше плус три гола разлика, 27:24. Португалија успеа да искористи дел од грешките на Унгарците и да израмни на 28:28 во 56. минута, а потоа следуваа уште по два погодоци на двете репрезентаци. При нерешен резултат од 30:30, Доминик Мате со својот осми гол донесе важна победа за неговата репрезентација.

ПОРТУГАЛИЈАУНГАРИЈА 16 јануари 2022 30 - 31 Крај

Детали

Датум	Време	Лига	Сезона	Match Day	Крај
16 јануари 2022	20:11	EURO22 B	2021/2022	16.01.2022	60'

Место

МУЛТИФУНКЦИОНАЛНА АРЕНА БУДИМПЕШТА

Резултати

Екипа	1-во полувреме	2-ро полувреме	Резултат
ПОРТУГАЛИЈА	15	30	Пораз
УНГАРИЈА	14	31	Победа

ПОРТУГАЛИЈА

#	Играч	Позиција	Исклучување	Голови
5	Жилберто Дуарте	лев бек	0	2
8	Виктор Итуриза	пивот	0	3
10	Мигел Мартинс Соарез	централен бек	0	5
12	Мануел Гашпар	голман	0	0
13	Ангел Хернандез	десен бек	0	0
14	Руи Силва	централен бек	0	5
15	Дајмаро Салина	пивот	0	3
17	Тијаго Роча	пивот	0	0
23	Диого Бранкињо	лево крило	0	0
24	Александре Кавалканти	лев бек	0	1
25	Антонио Арија	десно крило	0	5
29	Мигел Алвеш	десно крило	0	1
30	Леонел Фернандес	лево крило	0	4
31	Салвадор Салвадор	лев бек	0	0
41	Густаво Капдевил	голман	0	0
88	Фабио Магаљаеш	лев бек	0	1
	Вкупно		0	30

УНГАРИЈА

#	Играч	Позиција	Исклучување	Голови
2	Адријан Сипос	пивот	2	0
3	Петар Топиќ	пивот	2	3
7	Бендегуз Бока	лево крило	0	3
11	Патрик Лигетвари	лев бек	1	0
12	Мартон Секељ	голман	0	0
16	Роланд Миклер	голман	0	0
20	Миклош Роста	пивот	0	1
23	Доминик Мате	десен бек	0	8
25	Родригез Алварез	десно крило	0	2
27	Бенце Банхиди	пивот	0	0
29	Бендегуз Бујдосо	десно крило	0	0
30	Золтан Шита	лев бек	0	4
33	Габор Анчин	десен бек	0	2
39	Рихард Бодо	лев бек	1	1
66	Мате Лекаи	централен бек	0	6
77	Егон Хануш	централен бек	0	1
	Вкупно		6	31

ЕП 2022, ГРУПА Б – ТАБЕЛА