Фуксе Берлин е следниот противник на Еурофарм Пелистер во Лигата на Европа, во утрешниот натпревар од третото коло во групната фаза.
Бундеслигашот вчера имаше тежок меч со Лемго, кој го доби со 32-26, а веќе денеска со чартер лет патуваше до Охрид за да не губи време по аеродроми.
Во експедицијата не е екс вардарецот Дејан Милосављев, па друштво на Виктор Киреев на голманската позиција ќе му прави Ласе Лудвиг.
Битолчани имаат проблеми со составот и нејасно е на кои ракометари ќе може да смета тренерот Ларс Валтер за пресметката со „лисиците“.
Во среда, германскиот тим со чартер лет заминува од Македонија за Манхајм, каде што в четврток ги чека дерби против Рајн Некар Левен.
Натпреварот меѓу Еурофарм Пелистер и Фуксе Берлин се игра утревечер со почеток во 18:45 во „Боро Чурлевски“.
ПОВРЗАНИ ВЕСТИ
