Лесен „тренинг-меч“ за Вардар во Струга: „Вардарци“ на два чекора до титулата

Вардар очекувано “дојде, виде и победи“ во Струга, каде домаќинот настапи со само 11 играчи, а гостите на теренот беа со „вториот тим“ и на крајот триумфираа со 32-22 (15-10) во 12 коло од машката Супер лига. За „црвено-црните“ остануваат уште две средби на кои треба да победата за да ја прослават рекордната 14. титула.

На две кола до крај на првенството Вардар има 33 бода, исто колку и Еурофарм Пелистер, но скопјани се со подобра меѓусебна гол разлика. Струга останува на последното 8. место на табелата во плејофот со само три бода, и без победа пролетва во разигрувањето за титулата.

Струга беше само тренинг, па знаејќи дека домашните немаат седуммина стандардни играчи, Вардар одигра колку што требаше. Искусните од првата постава останаа на клупата. Тргнаа гостите од Скопје со водство кое го задржаа, а во првото полувреме беше на моменти и со „плус 7“. Неизвесно беше само со колкава разлика ќе победи Вардар, зашто стружани немаа доволно играчи во составот за да можат и да парираат.

Димитар Димитриоски во овој период беше најефикасен со 6 гола, а во првата седморка на гостите играа оние што поретко влегуваат во игра, или пак повеќе играат во одбрана, како случајот со Векиќ. Иако разликата во квалитетот беше навистина очигледна, вардарци сепак примија десет гола во првото полувреме. Струга иако беше со млади играчи, не се посрамоти во првото полувреме давајќи отпор во одбрана, но и борејќи се во напад за секоја топка.

За само десет минути играње во второто полувреме Вардар набрзина направи серија и од „плус 5“ стигна до „плус 11“ и водство од 23-12. Се веќе беше решено околу победникот, па се чекаше само крајот на средбата. Домашните за момент намалија три гола од негативата, а во 51 минута Струга намали на 19-27. Немаше никаква драма на теренот зашто гостите и со вториот тим беа посилни од ослабените домаќини. На крајот разликата остана двоцифрена во корист на гостите.

Најефикасен играч на натпреварот беше Димитар Димитриоски со 11 гола, а кај домаќините Христијан Крстановски и Филип Пајкоски постигнаа по 6 гола.
Во следното коло Вардар гостува кај Пролет, а Струга го игра „езерското дерби“ со Охрид.

СТРУГАВАРДАР 1961 26 мај 2021 22 - 32 Крај

Детали

Датум	Време	Лига	Сезона	Match Day	Крај
26 мај 2021	20:44	REГУЛАРЕН ДЕЛ | ПЛЕЈ ОФ СУПЕРЛИГА	2020/2021	26.05.2021	60'

Место

Спортска сала Тими

Резултати

Екипа	1-во полувреме	2-ро полувреме	Резултат
СТРУГА	10	22	Пораз
ВАРДАР 1961	15	32	Победа

СТРУГА

#	Играч	Позиција	Исклучување	Голови
1	Владо Затаракоски	голман	0	0
2	Петар Маркоски	-	1	0
4	Христијан Крстаноски	лев бек	2	6
5	Бобан Савески	-	0	3
6	Никола Стрезоски	-	0	0
13	Петар Ферукоски	пивот	0	0
16	Марио Стојаноски	-	0	0
24	Ненад Костоски	лево крило	0	3
44	Дарио Симоноски	пивот	1	2
55	Филип Пајкоски	пивот	1	6
77	Никола Цветаноски	лев бек	0	2
	Вкупно		5	22

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
2	Васко Шеваљевиќ	лев бек	0	0
3	Патрик Валчак	пивот	0	5
4	Томислав Јагуриновски	десен бек	1	2
5	Стојанче Стоилов	пивот	0	0
8	Димитар Димитриоски	лево крило	0	11
9	Гоце Георгиевски	десно крило	0	0
11	Мартин Карапалевски	централен бек	0	5
15	Кристијан Дисингер	лев бек	0	0
18	Ловро Јотиќ	централен бек	0	1
21	Глеб Калараш	пивот	0	0
27	Иван Чупиќ	десно крило	0	0
28	Филип Талески	лев бек	1	4
31	Тимур Дибиров	лево крило	0	0
44	Јосип Векиќ	десен бек	3	4
98	Марко Кизиќ	голман	0	0
	Вкупно		5	32

Officials

Делегат:	Судии:
КАЛАНОСКИ СЛАВЧО	ИЛИЕВСКИ МЕТОДИЈА ИЛИЕВСКИ МИХАЈЛО

СУПЕР МАШКА ЛИГА – ПЛЕЈ-ОФ

ТАБЕЛА