Машката репрезентација на Македонија имаше победнички старт во квалификациите за Европското првенство 2024 година.
По убедливиот триумф над Луксембург, селекцијата на Македонија утре патува во Турција на вториот меч, а селекторот Кире Лазаров е претпазлив.
„Имаме три дена. Турција е жежок терен. Некои имаат играно таму веќе од оваа репрезентација. Важен и можеби клучен натпревар. Ни треба пофокусирана игра . Имам професионалци, чест ми е што водам ваква професионална екипа. Ни фалат натпревари. Играме сега без неколку играчи, без Стоилов, Миркуловски, без мене и не е лесно. Се надевам дека ќе напредуваме побрзо од очекуваното“, вели Лазаров.
Двобојот меѓу Турција и Македонија се игра во градот Ван в недела на 16 октомври со почеток во 16:00 часот.
ПОВРЗАНИ ВЕСТИ
