Капитенот на македонската репрезентација и селектор, Кире Лазаров, со неговиот Нант славеше на гостински терен кај составот на Сесон Рен со 21-25.
Триумфот на гостите беше најавен уште по првото полувреме, кога Нант водеше со шест гола разлика, 8-14.
Лазаров немаше своја вечер, и постигна само еден погодок од шест обиди, но и покрај тоа неговиот тим стигна до полн плен.
Ова беше осми натпревар без пораз на Нант, а следен предизвик ќе биде двомечот со Келце во Лигата на шампионите.
