По двата изборни тренинзи што се одржаа во Битола и Охрид на почетокот на декември минатата година, викендов ќе има втор филтер и нов собир на ракометарите oд генерацијата 2006/07.
Селекторот на сениорите Кире Лазаров и неговиот голем стручен штаб што работи во младинските категории, по првите тренинзи на кои имаше 101 ракометар, сега повикаа 46 ракометари на собирот в недела, 26 март од 11:00 часот во Автокоманда.
Тие се од генерацијата 2006/07, пионери, кои од следната сезона ќе бидат дел од кадетската репрезентација и ќе играат во квалификациите за кадетското ЕП 2024 година.
Најмногу ракометари има од Мулти Есенс, вкупно 8, петмина се од Струга, а по четворица од Бисинов Велес и Охрид.
По тројца ракометари има од Еурофарм Пелистер 2, Вардар и Еурофарм Пелистер, по двајца се повикани од Скопје, Бутел Скопје, Голден Арт и Преспа Вардар, а по еден има од Голден Арт 2, Куманово, Тиквеш, Вардар Неготино, Алкалоид, Металург РА и Младост Богданци.
Меѓу повиканите има и еден интернационалец, кој настапува во Германија. Прв голем предизвик за овие ракометари ќе биде настапот во квалификациите за ЕП 2024 година, што ќе се играат во јануари 2024 година.
ПОВРЗАНИ ВЕСТИ
