Во 14. коло од првенството на Франција екипата во која настапува Кирил Лазаров, Нант забележа тешка победа пред своите гледачи против составот на Шарт со 33:31.
Во првиот дел се играше речиси без одбрана, двете екипи беа ефикасни и најчесто беше изедначено со игра гол за гол. Нант во 20. минута имаше три предност но тоа траеше многу кратко па на полувреме Шарт замина со предност од 19:18.
Во продлжението Лазаров и соиграчите имаа подобро издание го преземаа водството, а во 41. минута стигнаа до највисоки пет предност. Шарт успеа да се врати во игра и да намали на минус еден во 55. минута, но немаше сили да направи изненадување и да избегне пораз.
Лазаров имаше скромен учинок на натпреаварот и два пати успеа да се запише во листата на стрелците од три обиди. Најефикасен со дури 12 погодоци беше Емерик Мин.
На останатите натпревари Иври го изненади Монпелје и го одалечи од борбата за второто место и пласман во Лигата на шампионите. Победи остварија уште и Данкерк, Екс, Ним и Трембле.
Франција 14. коло, резултати:
Данкерк – Кретеј 26:25 (15:10)
Истр – Екс Ан Прованс 21:25 (12:14)
Иври – Монпелје 30:25 (13:11)
Нант – Шарт 33:31 (18:19)
Ним – Шамбери 38:31 (18:14)
Трембле – Сен Рафаел 34:31 (20:16)
ТАБЕЛА: 1.ПСЖ (-1 меч) 26 бода (455:358), 2.Нант 22 (425:376), 3. Ним 20 (424:382), 4. Монпелје 18 (401:378), 5. Тулуз (-1 меч) 18 (376:362)…
