Дербито во француското првенство меѓу екипите на Монпелје и Нант после голема борба и неизвесност заврши без победник 27:27.
Од самиот почеток двете екипи влегоа ангажирано со цел да ги освојат бодовите од овој натпревар. Се играше изедначено без поголемо водство на двете страни сè до 33. минута кога Монпелје првпат имаше водство од два гола, 10:8.
До крајот на првите 30 минути Нант успеа да намали и по првото полувреме имаше негатива од еден гол. Во продолжението исто така беше изедначено со игра гол за гол до 19:19. Нант успеа да направи предност од три гола, 23:20 во 50. минута. Сепак, Монпелје се врати, и во последниот напад Симонет успеа да израмни за поделба на бодовите.
Кирил Лазаров на натпреварот погоди трипати од пет обиди, а најефикасен во неговиот тим беше Бриет со шест гола. Во тимот на Монпелје најефикасен беше Дескат со осум погодоци.
