Ракометарките на Куманово успешно го заокружија последниот турнир во групната фаза во ВХРЛ лигата кој се играше во Подгорица. На одлучувачкиот натпревар Куманово ја совлада домашната екипа Рудар со 25:22 и ја освои првата позиција.
Девојките од Рудар дадоа силен отпор на вицешампионот на Македонија и после првите 30. минути имаа минимална предност од 14:13. Сепак, кумановки предводени од старо-новиот тренер Ненад Краљевски успеаја да направат пресврт во вториот дел и стигнаа до потребната победа.
Со овој триумф Куманово ја освои првата позиција во ВРХЛ групата во конкуренција на Груде, Рудар и Зајечар со што обезбеди двобој со Јагодина за пласман на завршниот турнир во регионалната женска лига.
Најефикасна во составот на Куманово беше кружниот напаѓач Медеа Чокели со шест гола, а Ангела Јанкуловска и Јована Кипријановска постигнаа по пет гола. Најефикасна во домашната екипа беше Кривокапиќ со девет гола.
РУДАР – КУМАНОВО 22:25 (14:13)
Сала: Универзитетска спортска сала во Подгорица. Гледачи: 200. Судии: Иван Павичевиќ и Милош Ражнатовиќ од Црна Гора. Делегат: Радош Ракочевиќ од Црна Гора.
РУДАР: Кадович, Рацковиќ, Пејовиќ, Нововиќ 4, Гугач 5, Хаџај, Бојаниќ, Кривокапиќ 9, Лопичиќ, Марсениќ, Сениќ 1, Ѓуровиќ, Пираниќ, Влаховиќ, Марсениќ 2, Анѓушиќ 1.
Седмерци: 5/6. Исклучувања: 6 мин.
КУМАНОВО: Косановиќ, Марковиќ, Пецанова, Трајковиќ, Ивановска 1, Гичевска 4, Боризовска 1, Шарановиќ 3, Чокели 6, Јанкуловска 5, Кипријановска 5, Наумовска, Глигоријадис, Радевска, Цветановска.
Седмерци: 4/6. Исклучувања 6 мин.
ПОВРЗАНИ ВЕСТИ
