Во рамки од Плеј-офот во машката Лига Куманово денес запиша гостинска победа против Драчево од 30:35.
Натпреварот беше отворен со гол за Драчево, а погоди Андоновски Бобан, на спротивната страна возврати Влатко Тасевски. Тие 1:1 на самиот старт беа и најава за она што следуваше во првиот дел. Првите 30 минути ни донесоа целосно изедначена игра, само Куманово во еден момент поведе со 2:5, но Драчево брзо се врати и не дозволи да се направи посериозна разлика. На полувреме се замина со изедначен резултат (12:12).
Победникот во овој дуел започна да се решава некаде на средината од второто полувреме кога домаќините почнаа да попуштаат и не можеа да го следат темпото кое го наметнуваат гостите од Куманово.
Најголемата предност Куманово ја достигна кога поведе со 17:23, од тој момент Драчево не успеа да се врати во натпреварот, гостите ја одржуваа предноста до крајот и запишаа триумф. Со пет гола разлика.
Најефикасен на натпреварот беше Тасевски Влатко од Куманово со 11 постигнати гола, додека во редовите на Драчево Димитар Петковски беше стрелец на седум погодоци.
ПОВРЗАНИ ВЕСТИ
